WABABA WAASWA KUACHA KUNYEMELEA WANAFUNZI WA KIKE

Ben Komba/Pwani-Tanzania

Naibu mkuruigenzi elimu ya sekondari, TAMISEMI, BI.PAUKLINE NKWAMA amewataka wadau mbalimbali kujitokeza katika kuhakikisha watoto wa kike wanapatiwa nafai ya kujiendeleza kielimu ili kuweza kuwakwamua na changamoto mbalimbali wanazokabiliana nazo.

BI.NKWAMA ameyazungumzia hayo wakati wa kikao cha Mkutano mkuu wa kiwilaya wa shirika lisilo la kiserikali linalosaidia katika utoaji usaidizi kwa watoto wa kike wanaokabiliwa na changamoto mbalimbali za kimaishala CAMFED.

BI.NKWAMA ameongeza lengo la wadau kukutana kama walivyokutana hapo ni kujaribu kutambua changamoto mbalimbali zinazowakabili na kujitokeza katika upatikanaji wa elimu kwa watoto wa kike wanaoishi katika mazingira magumu ili waweze kupata maendeleo binafsi na  familia zao.

Amewataka wanafunzi wanaopatiwa usaidizi na shirika hilo la CAMFED {CAMPAIGN FOR FEMALE EDUCATION} kutumia msaada huo wa kielimu katika kuhakikisha wanajiendeleza zaidi katika suala zima la kuwa na maisha yenye mafanikio baadaye.

Aidha, BIBI.NKWAMA alitumia fursa hiyo kukemea tabia ya baadhi ya kinababa watu wazima kuwatongoza wanafunzi wa kike kwa kutumia vishawishi mbailimbali na hivyo kuwaharibia mustakabali wa maisha yao ya baadaye.

Mkurugenzi wa CAMFED Tanzania, BI.LYDIA WILBARD amesema shirika lao linafanya kazi kwa kutoa kipaumbele kwa mtoto wa kike katika kuhakikisha wanatengeneza mazingira rafiki yatakayomuwezesha mtoto wa kike kupata elimu ambayo wanaamini itamsaidia katika maisha yake ya baadaye.

BIBI.WILBARD amebainisha kuwa katika utekelezaji wa mpango huo wamekuwa wakikabiliwa na changamoto mbalimbali ikiwemo suala la utoro,mombam zisizotarajiwa, matumizi mabaya ya fedha zinazotolewa kwa ajili ya kuwasaidia wanafunzi, ufaulu mdogo na kukosekana kwa ushirikiana kutoka kwa wazazi katika suala zima la kusimamia maendeleo ya mtoto wa kike hususan katika masuala ya elimu.

END