ALA NJAMA KUUA

12-Dec-14 12:22:35 AM-Tanzania/

Katika hali inayoashiria kuwa Dunia ya sasa imani imekwisha, wakazi wawili wa kijiji cha Soga halmashauri ya wilaya ya Kibaha wameokoka kutoka katika mteggo wa kuuwawa kutokana na kuwa tishio kwa maharamia wa ardhi katika kijiji hicho.

Mmoja wa watu  waliotaka kuuwawa ambaye ni Meneja wa shamba la ALAVI ESTATE linalomilikiwa na MOHAMED ENTERPRISES amesema kuwa alipata taarifa kutoka kwa Mkuu wa kituo kidogo cha Polisi Kongowe na kuelezwa kuwa kuna watu wanakula njama ya kutaka kumuua.

Bw.AMIR ameongeza kuwa sababu kubwa ambayo ilitaka kugharimu maisha yake ni mmoja wa maharamia wa mashamba, BW.RAMADHAN RASHID ambaye amejipata yupo katika kibano kufuatia kujishuhulisha na uuzaji wa mashamba ya ALAVI ESTATE, na hivyo  ili kuficha uvundo huo ndipo alipokula njama ya kukodi watu kuwauwa ambao anaona ni kikwazo katika azima yake hiyo.

Naye mtu mwingine ambaye alikuwa kati ya watu waliotakiwa kuuwawa mgombea wa nafasi ya Mwenyekiti wa serikali ya mtaa wa Soga aliyejulikana kwa jina moja BW.LIAMBA amesema kuwa yeye kilichomponza ni kutanaza sera zake wakati wa kushawishi uchaguzi wa ndani wa chama kuahidi kuwashuhulikia watu ambao wamejihusisha kuuza ardhi kinyume cha taratibu.

Kutokana na kauli yake hiyo ilionekana kumkera,BW.RAMADHAN RASHID ambaye naye alikuwa anaombea nafasi hiyo kupitia mchakato wa ndani wa  CCM na kushindwa na BW.LIAMBA, Hali ambyo haikumpendeza mtuhumiwa huyo.

BW.LIAMBA amebainisha kuwa kutokana na hilo, Mtuhumiwa alienda eneo la Kongowe na kukodisha watu ambao wangetekeleza mpango huo, ambao kwa njia moja au nyinine hawakukubaliana na mpano huo na hivyo kwenda kutoa taarifa Polisi na kufanikiwa kuweka mtego ambao ulifanikiwa kumtia hatiani mtuhumiwa huyo, ambaye baadaye aliachiwa katika mazingira ya kutatanisha hali ambayo inawaachia mazingira maumu wakazi wa kijiji cha Soga.

END.