MGOGORO USHIRIKA WA CHAURU.

Ben Komba/Pwani-Tanzania/12/3/2013 11:52:32 AM

Wanaushirika wa shamba la umwagiliaji CHAURU Ruvu wilaya ya Bagamoyo katika mkoa wa Pwani, wameendelea kuwalalamikia maofisa wanaohusika na masuala ya ushirika kutoka hatua stahili panapotokea migogoro katika ushirika.

Hivi karibuni mwandishi wa habari hizi amebahatika kuzuru katika ushirika wa umwagiliaji CHAURU na kukutana na baadhi ya wanachama wa ushirika huo na kubahatika kuongea na Mkulimwa mwasisi wa ushirika huo, BW.DAUD KINDAMBA ambaye amesema mambo yanayoendelea katika ushirika huo hayastahili kufumbiwa macho na maofisa ushirika.

BW.KINDAMBA amesema yeye shamba lake lipo mfereji namba nne, toka kufika kwa katika eneo hilo shamba hilo ambalo mwanzo lilikuwa chini ya Wachina na baadaye kukabidhiwa kwa wazawa baada ya Wachina kuondoka na kukabidhiwa kila kitu kilichokuwepo eneo hilo.

Ameshauri mamlaka ya ushirika kuwasaidia wanachama wa ushirika huo kwa vitendo vinavyofanywa na mtu mmoja na huku wanachama wakiendelea kulalamika kutoridhishwa na uongozi uliopo ambao umekuwa hauwahusishi katika maamuzi nyeti yanayohusu ushirika huo.

Ambapo wamebainisha mpaka sasa hawajui utaratibu uliotumika kukodisha harvester machine, kuuziwa wachina maghala ambayo yalikuwa yanatumika na wakulima ambao ni wanachama wa ushirika huo kuhifadhi mpunga mara kipindi cha mavuno kinapowadia.

Nikiongea na mwenyekiti wa Ushirika huo, BW.ZAHOR SENG’ENGE amesema anachofanya sasa ni kujaribu kutekeleza majukumu yake kwa kutumia staili ya matokeo makubwa sasa, kuhusu kero za wanachama wa ushirika huo anategemea kuandaa mkutano ambao utatoa fursa ya kila mtu kuelezea kero na kuzipatia ufumbuzi kwa lengo la kujenga.

END.