SHERIA YA HAKI YA MTOTO 2009 ITEKELEZWE KWA VITENDO

Ben Komba/Pwani-Tanzania/1/17/2015 2:12:19 PM

Shirika lisilo la kiserikali la CENTRE FOR CHILDREN,YOUNG PEOPLE ADULT EDUCATION –CYDAD- la mjini Kibaha limewataka waandishi wa habari na vyombo vya habari kusaidia jamii katika kuelewa sheria ya mwaka 2009 inayohusiana na haki ya mtoto.

Afisa mradi wa shirika hilo, BI.MARGARETH ALOYCE amewaambia waandishi wa habari aliokutana naomjini Kibah  kujadiliana juu ya nafasi ya vyombo vya habari na waandishi katika kuhakikisha sheria hiyo inatekelezwa na jamii.

BI.ALOYCE amesema kuwa kwa vyombo vya habari kutoa nafasi kwa habari zinazohusiana na ukandamizaji unaofanywa kwa watoto kutasaidia kuipa mwamko jamii kuhusiana na suala zima la haki za mtoto.

Ambapo amebainisha kuwa vipaumbele juu ya utekelezaji wa sheria ya haki za mtoto ya mwaka 2009, ni jamii iwekeze kuokoa uhai  watoto na wanawake,lishe, kuwawekea watoto mazingira rafiki mashuleni na katika vituo vya afya, mtoto kuwekewa mazingira mazuri ya baadaye.

BIBI.ALOYCE ameongeza ili mtoto apate ustawi haina budi kupewa elimu ambayo itamuwezesha kuendesha maisha yake ya baadaye ikiwa pamoja na kuhakikisha usalama wa mtoto anapokwenda na kurudi shuleni.

Akizungumza katika majadiliano haya MWandishi wa habari wa DAILY NEWS, BI.IMELDA MTEMA amesema kuwa mbali ya mchango kutoka kwa waandishi wa habari,ameitaka jamii kuanzia sasa kuhakikisha mahali popote wanapokuwa katika mkusanyiko unaojumisha watoto katika kuhakikisha haki zao zinazingatiwa.

Majadiliano hayo ya waandishi wa habari na wafanyakazi wa asasi hiyo kuhusiana na sheria ya haki za mtoto ya mwaka 2009, ilifadhiliwa FOUNDATION FOR CIVIL SOCIETY, chini ya uratibu wa UNICEF.

END.