MVUA YASABABISHA MAJANGA DSM NA PWANI.

Ben Komba-Pwani-Tanzania-25=4-2014

Kufuatia mvua zinazoendelea kunyesha nchini, maiti tano zimepatikana zikielea katika Mto Mpiji kufuatia kusombwa na maji walipokuwa wanajaribu kuvuka daraja linalounganisha kati ya wilaya ya Kinondoni na halmashauri ya mji wa Kibaha.

Mwenyekiti wa serikali ya mtaa  wa Lumumba, BW.GIDEON TAIRO amethibitisha kuwatambua marehemu hao ambao ni BW.JAJI MNEMWA na BW.MUSHI ambao walikuwa wanafanya shughuli zao za uzalishaji mjini Dar es Saalam na ni wakazi wa eneo lake.

BW.TAIRO ameongeza kuwa kwa kupatikana kwa miili kumesababisha idadi ya waliokufa na maji katika mto Mpiji kufikia watano, wane wakiwa wanaume na mmoja mwanamke.

BW.TAIRO amebainisha kuwa kwa muda mrefu wakazi wa eneo hilo wamekuwa wakiomba kujengwa kwa daraja la kudumu katika eneo hilo ili liweze kupitika kipindi chote cha mwaka na hasa ikizingatiwa linatumika na watu wa kada mbalimbali katika jamii, hususan wanafunzi, wazee na kinamama wajawazito.

Naye Katibu wa CCM tawi la Lumumba, BW.SHAMII BAKARI ambaye amesema kilio cha kuhitaji kujengwa kwa daraja eneo hilo ni cha muda mrefu, pamoja na kufika kwa viongozi mbalimbali wa chama cha mapinduzi.

BW. BAKAR ameongeza kuwa Pamoja na eneo hilo kutembelewa na diwani na Mbunge wa Kibaha mjini Kibaha, BW. SYLVESTER KOKA mpaka sasa hakuna kilichofanyika, ingawa wananchi mpaka sasa wamejitahidi kutumia nguvu zao na kujenga nguzo tatu ambazo zinatumika kama kinga ya miti iliyowekwa ili kuwezesha wananchi kuvuka eneo hilo.

BW.BAKARI ameitaka serikali kutupia macho daraja hilo ambalo ni kiungo kati Mikoa miwili jirani kulitengeneza ili waweze kupita kwa usalama, na ikizingatiwa kuwa huduma zote muhimu zinapatika upande wa pili wa Mkoa wa Dar Es Saalam.

END