YPC YAPONGEZWA NA MKUU WA WILAYA-BIBI KIHEMBA

Ben Komba/Pwani-Tanzania/01-02-2014/12:39

Mkuu wa wilaya ya Kibaha BIBI.HALIMA KIHEMBA ameyapongeza mashirika yasiyo ya kiserikali kwa kufanya kazi zao za kusaidia serikali kutekeleza majukumu yake ya kila siku.

BIBI KIHEMBA akifunga kikao kati ya wakuu wa idara na wakurugenzi wa halmashauri zote mbili za halmashauri ya mji na wilaya ya Kibaha na Taasisi isiyo ya kiserikali ya YOUTH PARTNERSHIP COUNTRYWIDE, amesema kuwa kwa  sasa shughuli za mashirika yasiyo ya kiserikali zimeanza kuzaa matunda.

Akizungumzia masuala mbalimbali ambayo yaliibuka kufuatia mrejesho wa shughuli zilizotekelezwa na shirika lisilo la kiserikali la YPC, Kuhusiana na migogoro ya wakulima na wafugaji, BIBI.KIHEMBA amefafanua kwa kutoa mfano wa kijiji cha Gumba ambacho kina mgogoro mkubwa wa ardhi lakini watendaji wa kijiji na kata wanangojea Mkuu wa wilaya atoe tamko.

Mkuu huyo wa wilaya BIBI.KIHEMBA ameongeza  sheria kuhusu matumizi bora ya ardhi yapo wazi na sheria zipo wazi lakini watendaji kwa sababu zisizo bayana wanashindwa kutumia sheria zilizopo na kuzua sintofahamu katika jamii.

Naye Mkurugenzi wa shirika lisilo la kiserikali la YPC, BW.ISRAEL ILUNDE amesema katika mkutano huo wa mashauriano kuhusu maendeleo na uwajibikaji kwa halmashauri mbili za wilaya ya Kibaha una lengo kuwajengea uwezo vijana uwezo kupitia mradi SaVUKI ambao unaamanisha SAUTI YA VIJANA KWENYE UWAJIBIKAJI WA KIJAMII kuchangia maendeleo ya nchi yao.

BW. ILUNDE ameongeza na katika utekelezaji wa mradi huo ambao ulifanyika katika kipindi cha mwaka 2012 mpaka 2013, vijana na makundi maalum ambayo yanaachwa nyuma na michakato mbalimbali ya kitaifa ili waweze kujitambua na kufanya maamuzi sahihi tunapoelekea mwaka 2015.

Mkurugenzi huyo wa YPC ameongeza kuwa Katika utekelezaji wa majukumu yake ya kila siku wamekuwa wanashirikiana kwa karibu naACTION AID TANZANIA chini ya mpango wa uwajibikaji kwa umma-PUBLIC ACCOUNTABILITY PROJECT.

END.