WANANCHI WATAKIWA KUSHIRIKI MAPAMBANO DHIDI YA RUSHWA

Ben Komba/Pwani-Tanzania/01/07/2017 11:19:32

Wananchi nchini wametakiwa kutoa ushirikiano katika kusaidia juhudi za serikali katika mapambano dhidi  ya rushwa ili kuleta matokeo yanayotarajiwakatika vita hivyo.

Mwezeshaji katika jukwaa la ufahamu la kiraia la kila mwisho wa mwezi  linaloandaliwa na asasi ya kiraia ya YOUTH PARTNERSHIP COUNTRYWIDE-YPC-, BW.ISRAEL ILUNDE amesema ili mapambano hayo yafanikiwe wananchi hawana budi kutoa ushirikiano wa hali na mali ili kufanikisha malengo hayo.

BW.ILUNDE amesema kuwa  nafasi ya umma katika mapambano hayo ni kubwa kwa wenyewe kuwa utayari katika kutokubali kuyakaribisha wao binafsi katika ushiriki wa vitendo vya upokeaji na utoaji rushwa ili kuziba mianya ya inayosababisha uwepo wa rushwa nchini.

Akitoa mfano wan chi ya Rwanda kupitia taasisi yao ya kupambana na rushwa OMBUDSMAN ambayo imekuwa ikishirikisha watu makundi yote ya kijamii katika kuwaunganisha bila kujali nafasi zao katika jamii.

Mshiriki katika jukwaa hilo, BW.SUBIRA JUMA  amesema wao kama vijana wana wajibu wa kushiriki katika mapambano dhidi ya rushwa kutokana na umuhimu wake katika maendeleo ya nchi na kutaka kuiga nchi ya Rwanda kwa kushirikisha makundi yote katika jamii.

Jukwaa la ufahamu wa kiraia linafanyika kila siku ya ijumaa ya mwisho wa mwezi na kuandaliwa na shirika lisilo la kiserikali la YOUTH PARTNERSHIP COUNTRYWIDE-YPC- lenye maskani yake mjini Kibaha na kufadhiliwa na Taasisi ya FREDRICH EBERT STIFTUNG ili kuwajengea wananchi kuwa na ufahamu na harakati mbalimbali zinazofanyika katika utekelezaji masuala ya kimaendeleo.

END