WAFANYABIASHARA SOKO LA JIONI MAILIMOJA WAOMBA HURUMA YA RC NDIKILO

Ben Komba/Pwani-Tanzania/06/07/2017 14:08:59

Mkuu wa mkoa wa Pwani Mhandis EVARIST NDIKILO amewataka wafanyabiashara wanaofanya biashara nyakati za jioni pembeni mwa barabara kuu ya Morogoro kuondoka ili kuwezesha kupendezesha sura ya mji wa Kibaha.

Akiongea na wananchi hao katika kituo cha mabasi ya Mikoani, Kibaha Maili moja, MHANDISI NDIKILO  amesema wanatakiwa kuondoka eneo hilo ili kuwezesha kupandwa kwa majani ili kuleta sura nzuri ya Mji wa Kibaha.

Hivyo amemwagiza Mkuu wa kikosi cha usalama Barabarani Mkoa wa Pwani Mrakibu msaidizi ABDI ISSANGO kuhakikisha kuwa mabasi yote ya abiria lazima yanapita katika soko lililojengwa hivi karibuni LOLIONDO kwa ajili ya kuwawezesha wafanyabiashara hao kufaidika.

Kwa upande wa wafanyabiashara wenyewe wameshindwa kuelewa dhana hiyo na baadhi yao akiwamo BI. STELLA PETER amesema kuwa wao wenyewe ndio wanaofanya biashara katika Soko la Loliondo na wanahamia eneo hilo la barabarani muda wa soko unapoisha saa kumi na mbili jioni, kutokana na kutokuwepo kwa umeme katika soko jipya.

Naye mfanyabiashara BI.NURU SAGIRE ametoa sababu ya wao kufanya biashara pembezoni mwa barabara kuu ya Morogoro ni kutokana na kuwapo kwa wahitaji wengi wa huduma wanazotoa kulinganisha na Soko la Loliondo na wanatumia takriban masaa manne tu eneo hilo na kuhamisha meza zao bila kuwapo kwa uharibifu wowote wa mazingira.

INSERTS-NURU SAGIRE, STELLA PETER, ROSE JOHN, MRS.K

INSERTS 2-RTO-ABDI ISSANGO NA RC-EVARIST NDIKILO

END