SHIRIKA LA ELIMU KIBAHA LALAMIKIWA URASIMU MALIPO YA WAKANDARASI

Ben Komba/Pwani-Tanzania/04/05/2017 09:53:24

Baadhi ya wazabuni wanaofanya kazi na Shirika la Elimu Kibaha wamelalamikia kitengo cha ukaguzi kwa kuwakata fedha ambazo wamepatana kulipwa kwa zabuni wanapewa kwa visingizio ambavyo havina mantiki.

Uchunguzi ambao umefanywa na mwandishi wa habari hizi kwa takribani wiki mbili kufuatia malalamiko ya mmoja wa wazabuni ambaye alipatiwa kazi ya kufanya matengenezo katika chumba cha kuzalishia dripu za kwa ajili ya wagonjwa, BW.KABUGI MNDEME na baadaye kulipwa nusu ya fedha iliyopo katika makubaliano.

BW.MNDEME amesema kuwa yeye aliingia makubaliano ya kuweka milango na madirisha  ya aluminium katika chumba hicho cha kuzalisha dripu za maji ya kuongezewa wagonjwa kupitia LPO No. 20161163 ambapo kwa upande wake ametimiza wajibu na kukamilisha  matengenezo hayo ambayo gharama yake halisi ilikuwa shilingi 5,892,500.00.

BW.MNDEME ameongeza kuwa cha kushangaza mara kazi ilipokamilika ndipo urasimu wa malipo ulipoanza, kukaanza kuzuka sababu mbalimbali ikiwa pamoja na kuainisha maeneo yenye kasoro ambayo mkandarasi alirudia kazi ile kama maelekezo yalivyotolewa na Afisa kutoka idara ya ukaguzi, BW. FRED KAMBI, wasiwasi wake mkubwa ni kwamba malipo hayo yamefanywa kupitia LPO ambayo tayari ilishapita katika mfumo wa malipo ya serikali.

Lakini haikutosha kumpatia haki yake na matokeo yake kukaandikwa barua nyingine tofauti na LPO ya awali ambayo ikadaiwa kuwa mzabuni hastahili kulipwa fedha iliyoainishwa awali na kuamua alipwe shilingi  milioni 3,282,200.00  (milioni tatu laki 2themanini na mbili elfu na mia mbili), Kitu ambacho hakukubaliana nacho.

BW.KABUGI amefafanua kuwa changamoto kubwa ambayo wazabuni wamekuwa wakikumbana nacho ni kwa mmoja wa wakaguzi hao kuwa na kampuni yake, ambayo imeshafanya kazi katika jengo lililokuwa chumba cha upasuaji na kujilipa shilingi Milioni 26 ambapo ukaguzi ulifanywa na afisa msaidizi wa kitengo cha ukaguzi cha Shirika hilo ilihali malipo hayalingani na kazi ambayo imefanyka ya ukarabati, na hivcyo kutumia nafasi hiyo kuwachosha wazabuni wan je ili kazi zote zichukuliwe na kampuni hiyo.

Juhudi za kumpata Afisa wa ukaguzi wa shirika la elimu Kibaha, BW.FRED KAMBI ziligongwa mwamba kwa kumtaka mwandishi wa habari hizi kuonana kwanza na msemaji wa Shirika, BI.LUCY SEMINDU ambaye kwa upande wake alifanya jitihada kubwa na kuweza kuonana na Kaimu Mkurugenzi BW.ROBERT SHILINGI.

Kaimu Mkurugenzi wa Shirika la Elimu Kibaha, BW.ROBERT SHILINGI alimwambia mwandishi wa habari hizi kuwa jambo hilo lipo ndani ya uwezo wa Shirika na kuahidi kulishughulikia kikamilifu na kumtaka mkandarasi huyo kufika ofisini kwake ili waweze kulizungumza kwa lengo la kulitatua.

Hata hivyo baada ya kukutana mkandarasi na uongozi wa shirika la elimu Kibaha iliamriwa kuwa wao msimamo wao upo vilevile na kumtaka mkandarasi huyo kuchukua hatua nyingine iwapo hakuridhika na maamuzi hayo.

INSERT:ROBERT SHILINGI

END