RAIS MAGUFULI AMWAGIWA SIFA

Ben Komba/Pwani-Tanzania/27/05/2017 09:44:00

Rais JOHN POMBE MAGUFULI amepongezwa kufuatia hatua mbalimbali anazochukua  kukabiliana na upotevu wa fedha za mchanga wa madini ambao uliokuwa unaigharimu nchi zaidi ya matrilioni  ya shilingi zilizokuwa zinapotea kwenye baadhi ya mikono ya watumishi wa serikali wasio waaminifu.

Mkurugenzi mtendaji wa shirika lisilo la kiserikali la YOUTH PARTNERSHIP COUNTRYWIDE la mjini Kibaha, BW.ISRAEL ILUNDE ameyasema hayo wakati  akizungumza na mwandishi wa habari hizi pembeni mwa jukwaa la ufahamu wa kiraia linalofanyika kila  ya ijumaa ya mwisho wa mwezi.

Ambapo amesema hatua ambazo amekuwa akizichukua kudhibiti uvujaji wa mapato mbalimbali hazina budi kuungwa mkono na umma wa Watanzania kwani zitawezesha nchi kuelekea katika maendeleo endelevu kwa ustawi wa n chi katika utoaji wa huduma mbalimbali za kijamii.

Bw. ILUNDE ameongeza kitendo chake cha kutofumbia macho vitendo hivyo ni ishhara tosha ya kuonyesha lengo lake la kutaka kuikwamua nchi kutoka katika umaskini  na kufikia maendeleo yanayohhitajika ili kuleta mustakabali mwema wan chi yetu.

Akitoa mfano wa hivi karibuni ya kubaini matrilioni ya fedha ambazo zilikuwa zinapotea kutokana na usafirishaji wa mchanga wa madini uliokuwa  unaigharimu serikali zaidi ya shilingi Trilioni moja za Kitanzania kila mwezi, na kuikosesha serikali mapato katika kipindi cha takribani miaka 20.

Mmoja ya wananchi  waliohudhuria  Jukwaa hilo la ufahamu wa kiraia , BI ANASTAZIA CHARLES amesema kuwa wakati sasa umefika kwa fedha ambazo zimekuwa zinaokolewa na juhudi za Rais JOHN MAGUFULI katika kubana uvujaji wa mapato ya serikali kuelekezwa katika uimarishaji huduma za kijamii katika kuboresha  upatikanaji wa madawa mahospitalini, ujenzi wa miundombinu ya barabara za vijijini na kuboresha mazingira ya utendaji katika sekta ya elimu na maeneo mengineyo.

END