TAG YAADHIMISHA MIAKA 75 TOKA KUANZISHWA.

Ben Komba/Pwani-Tanzania/5/11/2014 1:34:07 PM

Kanisa la TANZANIA ASSEMBLIES OF GOD, linaadhimisha miaka 75 toka kuanzishwa kwake ulimwenguni, kwa kufanya shughuli mbalimbali za kitumea kuelekea kilele chake kitakachofanyika mkoani Mbeya.

Mchungaji HEBRON KAYANGE wa Kanisa la TAG kwa mfipa Mjini Kibaha amesema kuwa kanisa lao limeanzishwa mwaka 1939 na mpaka 2014 kanisa hilo linatimiza miaka 75,

Mchungaji KAYANGE  kwa kibaha Kanisa la TAG Kibaha kwa Mfipa limeanzishwa Mwaka 1999 likiwa na waumini wane, lakini mpaka sasa kanisa hilo limekuwa linakua kwa kasi kutokana na kutilia mkazo suala la mavuno ya watu kwa kuwapatia mafundisho mbalimbali ya kiroho.

Mchungaji KAYANGE amebainisha kuwa kanisa lake limekuwa linatoa huduma mbalimbali za kijamii ikiwa pamoja na kushirikiana na jamii inayowazunguka katika masuala ya kusaidia watoto yatima,kubadilisha tabia ya vijana ambao wanatumia madawa ya kulevya, ili kuwa raia wema.

Na kwa kuliona hilo Kanisa la TAG Kwa mfipa waliandaa chakula cha mchana ambacho walikula kwa pamoja na watumiaji wa madawa ya kulevya ambao walijitokeza kwa wingi kuunga mkono hatua za kanisa hilo kuwabadilisha kitabia.

Naye mwenyekiti wa serikali ya Mtaa wa Kwa mfipa, BW.HAI MSHAM HAI amelipongeza kanisa hilo kwa kuweza kushirikiana na serikali katika kurekebisha maadili yanayomon yoka kwa kasi katika jamii.

BW.MSHAM amebainisha kuwa ni wajibu wa viongozi wa dini kushirikiana na serikali katika kupambana na mmonyoko wa maadili kunakoshika kasi siku hadi siku na kutishia kuwa na Taifa lisilo na nidhamu na kukosa utiifu kwa vizazi vijavyo, kama hatua za haraka hazijachukuliwa kupambana na hali hiyo.

END