KIBAFA YAFANYA UCHAGUZI

Ben Komba/Pwani-Tanzania/06/03/2017 11:56:39

Chama cha soka wilaya ya Kibaha hatimaye kimepata viongozi watakaokiongoza chama hicho kwa kipindi kijacho, kufuatia kukosa uongozi kwa takriban miaka minane.

Katika uchaguzi huo wa KIBAFA, wamefanikiwa kupata Katibu mpya ambaye ni DAUD MHINA na Mwenyekiti wake ni ROBERT MUNISI kwa kushirikiana na viongozi wengine ambao wamechaguliwa katika kuhakikisha wanaendeleza mpira wa soka Kibaha.

Akiongea baada ya uchaguzi huo, Mwenyekiti mpya ROBERT MUNISI amewahakikishia wapiga kura kwa pamoja watahakikisha chama hicho cha wilaya ya Kibaha kinakuwa mfano kwa vyama vingine vya wilaya.

Akiongea katika uchaguzi huo, Katibu wa Chama cha soka mkoa wa Pwani, HASSAN HASSANOL amekitaka KIBAFA kusimamia maendeleo ya mchezo wa soka wilayani Kibaha ili kuwezesha vilabu vya wilayani hapa kufanya vizuri kwenye mashindano mbalimbali ya soka.

Ikiwa na kuzisaidia timu zinazoshiriki ligi mbalimbali nchini katika kukabiliana na changamoto zinazozikabili zinapokuwa mashindanoni katika kuzijengea ari ya kupambana vyema katika mashindano ambayo timu zetu zinashiriki.

Kwenye kinyang'anyiro hicho kimewezesha kupatikana kwa viongozi 7 huku nafasi za wajumbe zikikosa waliojaza fomu kuwania nafasi hizo, Mwenyekiti amechaguliwa Robert Munisi kura 57, Makamu Hamidu Shebuge (57) Katibu Daud Mhina (57), Msaidizi Ivan Chenga (56), Mhazini Mohamed Mwenda (55), Mjumbe kuwakilisha Mkoa Edward Mgogo (57) na Mwakilishi wa vilabu Japhert Mbogo (57).

 matokeo hayo yalitangazwa na Makamu Mwenyekiti wa Kamati ya uchaguzi ya COREFA Mwanasheria Stephen Mwakibolwa .

END.